TAEKWON-DO
ITF & WT ARMENIA

Taekwon-Do ITF

Taekwon-Do WT

Թաեքվոնդոն ժամանակակից ամենատարածված արևելյան մարզաձևերից մեկն է: Այս հրաշալի սպորտաձևով այսօր անընդմեջ զբաղվում են ավելի քան 20 միլիոն մարդ: Պարբերաբար անցկացվում են աշխարհի առաջնություններ և մայրցամաքային առաջնություններ, տարբեր միջազգային մրցումներ: Իսկ ինչու է թաեքվոնդոն այդպես տարածված: Պատճառներից մեկն այն է, որ այս սպորտաձևն ունի տեխնիկական ձևերի հարուստ բազա, որն այլ արևելյան մարզաձևերին չի զիջում ո՛չ քանակով, ո՛չ էլ որակով, այլ շատ բաներում նույնիսկ գերազանցում է: Հաստատվել է, որ այս սպորտաձևով զբաղվելը հանդիսանում է ոչ միայն ֆիզիկական, այլև բարոյական կատարելագործման, անձի ներդաշնակ զարգացման արդյունվետ միջոց: Թաեքվոնդոն ձևավորում է մարդկային ներքին կուլտուրան, բնավորությունը, կարգապահությունը, կամքը, ընդհանրականությունը, զարգացնում է պարտավորվածության և պարտականության զգացումները: Դրա հետ մեկտեղ թաեքվոնդոն` քարացած դոգմա չէ, այն մշտապես ձևափոխվում և զարգանում է հասարակության հետ: Թաեքվոնդոն յուրացվում է ամբողջ կյանքի ընթացքում, չէ որ կատարելագործումը չունի սահմաններ:

Taekwon-Do Tigers

Սպորտային ծրագիր 3-6տ երեխաների համար

•Առաջինը Հայաստանում

•Սովորում ենք կարևոր հմտություններ՝ պարզ և ուրախ մթնոլորտում

•Ստեղծված է այնպիսի ոլորտների համագործակցությամբ, ինչպիսիք են մանկական հոգեբանությունը, երեխաների անվտանգությունը, սպորտի զարգացումը և առողջ սնունդը:

Ի՞նչ է սովորեցնում TKD Tigers-ը

Բացի սպորտային բաղադրիչներից այս ծրագիրը խաղային ձևաչափով երեխաներին սովորեցնում է կարևոր հմտություններ, ինքնուրույնություն, Թաեքվոն-Դոյի 5 սկզբունքները, հարգանք ընտանեկան և հասարակական կյանքում, անվտանգության հիմունքներ: Ծրագիրն ունի երեխաների մոտիվացիայի գրագետ համակարգ՝ գնահատման, խրախուսման և մրցանակների միջոցով։ Սա հնարավորություն է տալիս երեխաներին լինել առաջընթացի մեջ և օգնում է հասնել նպատակների արդյունավետ իրագործմանը։